லைவர் 173 படம் பற்றி தாய் கிழவி விழாவில் அப்டேட் கொடுத்திருக்கிறார் இயக்குநர் சிபி சக்ரவர்த்தி. அந்த பக்கம் ரெட் ஜெயண்ட் மூவிஸ் நிறுவனம் செய்து வரும் வேலை ரஜினி ரசிகர்களை பரம திருப்தி அடைய வைத்திருக்கிறது.

தலைவர் 173 அப்டேட்: ஜெயிலர் 2 படத்தில் நடித்து வரும் சூப்பர் ஸ்டார் ரஜினிகாந்தின் அடுத்த படம் தலைவர் 173. அந்த படத்தை டான் படம் புகழ் சிபி சக்ரவர்த்தி இயக்க, கமல் ஹாசன் தயாரிக்கிறார். இந்நிலையில் சிவகார்த்திகேயன் தயாரித்திருக்கும் தாய் கிழவி படத்தின் ப்ரீ ரிலீஸ் நிகழ்ச்சியில் கலந்து கொண்ட சிபி சக்ரவர்த்தி, தலைவர் 173 ஷூட்டிங் பற்றி பேசியிருக்கிறார்.

ஏப்ரல் மாதம் மத்தியில் ரஜினி சார் பட ஷூட்டிங் துவங்கும் என்று தெரிவித்துள்ளார் சிபி சக்ரவர்த்தி. ஏப்ரல் முதல் செப்டம்பர் மாதம் வரை ஷூட்டிங் நடக்குமாம். குடும்பத்துடன் அனைவரும் சந்தோஷமாக பார்த்து ரசிக்கும்படி படம் எடுக்கிறாராம் சிபி சக்ரவர்த்தி.

தலைவர் 173 படத்தில் ரஜினிக்கு மகனாக பிரபல மலையாள நடிகர் பேசில் ஜோசப் நடிக்கிறாராம். அடுத்த ஆண்டு பொங்கல் பண்டிகைக்கு படத்தை ரிலீஸ் செய்ய திட்டமிட்டிருக்கிறார்களாம். ரஜினிகாந்த் படம் என்றாலே குடும்பத்துடன் அனைவரும் தியேட்டருக்கு செல்வார்கள். அதனால் அதை மனதில் வைத்து தான் படம் எடுக்கிறாராம் சிபி சக்ரவர்த்தி. லோகேஷ் கனகராஜ் இயக்கிய கூலி படத்தை பார்க்க குடும்பத்துடன் தியேட்டருக்கு போக முடியாமல் பலர் புலம்பினார்கள். அந்த படத்திற்கு ஏ சான்று கிடைத்ததால் குட்டீஸ் யாராலும் தியேட்டருக்கு செல்ல முடியவில்லை.

இதையடுத்து இனி வன்முறை அதிகமாக இருக்கும் படங்களே வேண்டாம் என்று முடிவு செய்து குடும்ப பாங்கான படங்களில் மட்டுமே நடிப்பு என்று தான் சிபி சக்ரவர்த்திக்கும், மூன்றாவது முறையாக நெல்சன் திலீப்குமாருக்கு வாய்ப்பு கொடுத்திருக்கிறாராம் ரஜினிகாந்த்.

கமல் ஹாசன், ரஜினிகாந்த் சேர்ந்து நடிக்கும் படத்திற்காக மீண்டும் ஒரு கேங்ஸ்டர் கதையை தயார் செய்து வைத்தார் லோகேஷ். ஏற்கனவே கேங்ஸ்டராக வன்முறை செய்தது போதும், இனியும் அது வேண்டாம் என்று ரஜினி கூறியதால் தான் ஆளை மாற்றி நெல்சனை கொண்டு வந்திருக்கிறார்களாம்.

தலைவர், கமல் படம்: இதற்கிடையே படத்தின் ப்ரொமோ வெளியாகி அனைத்து மொழி ரசிகர்களின் கவனத்தையும் ஈர்த்து அது குறித்தே பேச வைத்துவிட்டது. ரஜினியும், கமலும் நண்பர்கள் என்று சொல்லித் தான் யாருக்கும் தெரிய வேண்டும் என்கிற அவசியம் இல்லை. ஆனால் நெல்சன் திலீப்குமார் இயக்கிய ப்ரொமோவில் ரஜினி போட்ட கோட்டை நான் போட மாட்டேன் என்கிறார் கமல். ஆண்டவர் போட்ட மாதிரி வாட்ச்சை நான் அணிய மாட்டேன் என்று வீம்பு செய்திருக்கிறார் ரஜினிகாந்த்.

காரில் ஏறி உட்கார்ந்ததும் யார் ஹீரோனு கமல் கேட்க, நான் தான் ஹீரோனு சொல்லுங்க நெல்சா என்பது மாதிரி யார் ஹீரோனு சொல்லுங்கஜி என்றார் சூப்பர் ஸ்டார். ரஜினி, கமல் இப்படி நடந்து கொண்டது தான் ப்ரொமோவின் முக்கிய அம்சமே.