சென்னை:
தமிழகச் சட்டமன்றத் தேர்தலில் 108 இடங்களைப் பெற்றுத் தனிப்பெரும் கட்சியாக உருவெடுத்துள்ள தமிழக வெற்றிக் கழகத்தை (தவெக) ஆட்சி அமைக்க அழைக்காமல் காலம் தாழ்த்தி வரும் ஆளுநரின் போக்கைக் கண்டித்து, தமிழ்நாடு காங்கிரஸ் கமிட்டி இன்று சென்னையில் கண்டன ஆர்ப்பாட்டத்தை நடத்துகிறது. தவெக-விற்குத் தங்களது 5 எம்.எல்.ஏ-க்களின் ஆதரவை ஏற்கனவே வழங்கியுள்ள காங்கிரஸ், ஆளுநரின் செயல்பாடு ஜனநாயக விரோதமானது எனக் குற்றம் சாட்டியுள்ளது.
இது தொடர்பாகத் தமிழ்நாடு காங்கிரஸ் துணைத்தலைவர் ஆ.கோபண்ணா வெளியிட்டுள்ள அறிக்கையில், “மத்திய பாஜக அரசின் கைப்பாவையாகச் செயல்படும் ஆளுநர், இந்திய அரசியலமைப்புச் சட்டத்திற்கு எதிராகத் தவெக-வை ஆட்சி அமைக்க அழைக்க மறுத்து வருகிறார். ஆளுநரின் இந்த ஒருதலைப்பட்சமான நடவடிக்கையைக் கண்டித்து, சென்னை அண்ணாசாலை, தாராப்பூர் டவர் அருகில் இன்று (வெள்ளிக்கிழமை) காலை 11 மணியளவில் மாநிலத் தலைவர் செல்வப்பெருந்தகை தலைமையில் மாபெரும் கண்டன ஆர்ப்பாட்டம் நடைபெறும்” எனத் தெரிவித்துள்ளார். திமுக கூட்டணியில் இருந்து கொண்டே தவெக-விற்காகக் காங்கிரஸ் வீதியில் இறங்கிப் போராடுவது தமிழக அரசியலில் பெரும் பரபரப்பை ஏற்படுத்தியுள்ளது. ஆளுநரின் பிடிவாதத்தால் ஏற்பட்டுள்ள அரசியல் முட்டுக்கட்டைக்கு எதிராகக் காங்கிரஸின் இந்தப் போராட்டம் தவெக-விற்குப் பெரும் தார்மீக பலமாகப் பார்க்கப்படுகிறது.
#CongressProtest #Selvaperunthagai #TNGovernor #Vijay #TVK #BreakingNews #May8 #TamilNaduPolitics #AnnaSalai #DemocracyUnderThreat #ThalapathyVijay #VijayAsCM #PoliticalCrisis #ConstitutionalRights #StalinVsVijay #ElectionResults2026 #NewGovernmentTN #BJPResistance #AssemblyUpdate #VijayMakkalIyakkam_“`
