உலக புற்றுநோய் தினத்தை முன்னிட்டு, புற்றுநோயால் பாதிக்கப்பட்ட அனைவருடனும் நாம் ஒன்றிணைந்து நிற்கிறோம்; ஒன்டாரியோவில் மற்றும் உலகம் முழுவதும் வாழும் புற்றுநோய் மீட்பாளர்களின் உறுதியையும், அவர்களின் குடும்பங்களின் தைரியத்தையும் மரியாதையுடன் கௌரவிக்கிறோம் என ஒன்டாரியோ முதல்வர் டக் பேர்ட் தெரிவித்திருக்கின்றார்.
எங்கள் அரசு, உயிரைக் காக்கும் புற்றுநோய் மருந்துகளுக்கான அணுகலை வேகப்படுத்துவது உட்பட, சாதனை அளவிலான முதலீடுகள் மூலம் புற்றுநோய் சிகிச்சை மற்றும் ஆய்வுகளை ஆதரித்து வருகிறது.
டொராண்டோ — ஒன்டாரியோ அரசு, Funding Accelerated for Specific Treatments (FAST) திட்டத்தின் மூலம் ஆறு புதிய உயிர்நீட்டிக்கும் புற்றுநோய் சிகிச்சைகளுக்கு அணுகலை அனுமதித்து, புற்றுநோய் சிகிச்சைத் துறையில் உலகளாவிய ரீதியில் முன்னணியில் தொடர்ந்து இருக்கின்றது.
கனடாவில் முதன்முறையாக அறிமுகப்படுத்தப்பட்ட இந்த முயற்சி, புதுமையான புற்றுநோய் மருந்துகளுக்கான அணுகலை விரைவுபடுத்தி, அவசியமான நோயாளிகளுக்கு வாழ்க்கையை மாற்றக்கூடிய சிகிச்சை வாய்ப்புகளை விரைந்து வழங்குகிறது. ஒன்டாரியோவின் சுகாதார அமைப்பை பாதுகாக்கும் அரசின் திட்டத்தின் ஒரு பகுதியாக, இந்த துணிச்சலான முயற்சி நோயாளிகளை உயிர்காக்கும் புற்றுநோய் சிகிச்சைகளுடன் இணைத்து, வழக்கமாக கிடைக்கும் காலத்தைக் காட்டிலும் சுமார் ஒரு வருடம் முன்பே சிகிச்சை வழங்குகிறது.
2025 அக்டோபர் முதல், FAST முன்னோட்டத் திட்டத்தின் கீழ் ஆறு புற்றுநோய் மருந்துகள் நிதி ஒதுக்கீட்டிற்காக விரைவுபடுத்தப்பட்டுள்ளன. இதன் மூலம் புற்றுநோய் நோயாளிகள் பின்வரும் உயிர்காக்கும் சிகிச்சைகளுக்கான சலுகைகளைப் பெற்றுள்ளனர்:
TAGRISSO: நுரையீரல் புற்றுநோய் சிகிச்சைக்காக பயன்படும்
SCEMBLIX: ஒரு வகை லூகீமியா (ரத்தப் புற்றுநோய்) சிகிச்சைக்காக பயன்படும்
NUBEQA: புரோஸ்டேட் புற்றுநோய் சிகிச்சைக்காக பயன்படும்
CALQUENCE: லிம்போமா சிகிச்சைக்காக பயன்படும்
OPDIVO + YERVOY: ஒரு வகை குடல் புற்றுநோய்க்கான இணைச் சிகிச்சை
OPDIVO + YERVOY: ஒரு வகை கல்லீரல் புற்றுநோய்க்கான இணைச் சிகிச்சை
இந்த முன்னேற்றத்தின் தொடர்ச்சியாக, வரும் மாதங்களில் கூடுதல் புற்றுநோய் மருந்துகளுக்கு விரைவான அனுமதி வழங்க ஒன்டாரியோ என முதல்வர் மேலும் தெரிவித்துள்ளார்.
