சென்னை:

தமிழகச் சட்டமன்றத் தேர்தல் முடிவுகளுக்குப் பிறகு, திமுக கூட்டணியில் இருந்து விலகி தமிழக வெற்றிக் கழகத்திற்கு (தவெக) ஆதரவு அளிப்பதாக காங்கிரஸ் அறிவித்துள்ள நிலையில், அக்கட்சியின் எம்.பி. ஜோதிமணி இது குறித்து விரிவான விளக்கம் அளித்துள்ளார். தமிழகத்தின் நலன் மற்றும் எதிர்காலம் கருதி தமிழ்நாடு காங்கிரஸ் கமிட்டி ஒருமனதாக தவெக-வுடன் பயணிக்க முடிவெடுத்துள்ளதாக அவர் தெரிவித்துள்ளார்.

தனது பதிவில், “அரசியலில் கூட்டணிகள் சேர்வதும், பிரிவதும் இயல்பானது தான். 2014 நாடாளுமன்றத் தேர்தலின் போது திமுக-வும் காங்கிரஸை கூட்டணியில் இருந்து வெளியேற்றியது; அப்போது நாங்கள் அதைக் காட்டமான விமர்சனமாகப் பார்க்காமல் ஒரு அரசியல் நிலைப்பாடாகவே புரிந்துகொண்டோம். அதேபோல் இப்போதும் காங்கிரஸ் ஒரு முடிவை எடுத்துள்ளது” எனக் குறிப்பிட்டுள்ளார். மேலும், திமுக தலைவர் மு.க.ஸ்டாலின் தோல்வியடைந்துள்ள இந்தச் சூழலில், அவருக்கு எதிராகத் தடித்த வார்த்தைகளைப் பயன்படுத்துவது அரசியல் நாகரிகம் அல்ல என்றும், பரஸ்பரம் மரியாதையோடு கூட்டணியில் இருந்து பிரிவதே நல்லது என்றும் அவர் அறிவுறுத்தியுள்ளார். ராகுல் காந்திக்கு எதிராக அவதூறு பேசுவதை ஏற்க முடியாது என எச்சரித்துள்ள அவர், புதிய கூட்டணியுடன் தமிழகத்தின் வளர்ச்சியை நோக்கி முன்னகர்வதாகத் தெரிவித்துள்ளார். காங்கிரஸின் இந்தத் தெளிவான நிலைப்பாடு, தவெக ஆட்சியமைப்பதற்கான வாய்ப்பை மேலும் உறுதிப்படுத்தியுள்ளது.

#Jothimani #Congress #TVK_Congress_Alliance #DMKExit #BreakingNews #May6 #TamilNaduPolitics #RahulGandhi #VijayAsCM #ThalapathyVijay #PoliticalEthics #StalinVsVijay #NewEraTN #ElectionResults2026 #KarurJothimani #TNCongress #DravidianPolitics #ChangeIsConstant #VijayMakkalIyakkam #TNAssemblyUpdate_