ஏர்பஸ் (Airbus) வழக்குடன் தொடர்புடைய பணமோசடி குற்றச்சாட்டுகளின் கீழ் விளக்கமறியலில் வைக்கப்பட்டிருந்த நாடாளுமன்ற உறுப்பினர் நமல் ராஜபக்ஷ, கொழும்பு கோட்டை நீதவான் நீதிமன்றத்தால் பிணையில் விடுவிக்கப்பட்டார்.
ரூ. 500,000 ரொக்கப் பிணையிலும், தலா ரூ. 30 மில்லியன் பெறுமதியான இரு சரீரப் பிணைகளிலும் ராஜபக்ஷவை விடுவிக்குமாறு கொழும்பு கோட்டை நீதவான் பசான் அமரசேன உத்தரவிட்டார்.
மேலும், ராஜபக்ஷவுக்கு வெளிநாட்டுப் பயணத் தடையை விதித்த நீதிமன்றம், கட்டுப்பாடு தொடர்பான தகவலை குடிவரவு மற்றும் குடியகல்வு கட்டுப்பாட்டாளருக்கு உடனடியாக அறிவிக்குமாறு உத்தரவிட்டது.
இதனுடன், சாட்சிகளுக்கு எவ்வித இடையூறும் செய்யக் கூடாது என்ற நிபந்தனையையும் நீதவான் விதித்துள்ளார்.
