கங்கை அமரன் சமீபத்தில் SK26 படம் குறித்து பேசியுள்ளார். சிவகார்த்திகேயன் மற்றும் வெங்கட் பிரபு இணையும் SK26 திரைப்படம் எப்படி இருக்கும் என வெங்கட் பிரபுவின் தந்தை கங்கை அமரன் பேசியிருக்கிறார்.
சிவகார்த்திகேயன் பராசக்தி மற்றும் சிபி சக்கரவர்த்தி படங்களை தொடர்ந்து வெங்கட் பிரபு இயக்கத்தில் தான் நடிக்கவுள்ளார். இப்படத்தின் படப்பிடிப்பு மிக விரைவில் துவங்க இருக்கின்றது. சிவகார்த்திகேயனின் 26 ஆவது படமாக தயாராகவிருக்கும் இப்படம் குறித்து இணையத்தில் பல தகவல்கள் சுற்றி திரிகின்றன. SK26 என அழைக்கப்படும் இப்படம் சைன்ஸ் பிக்ஷன் கதையம்சம் கொண்ட படமாக இருக்கும் என ஒருபக்கம் சொல்லப்படுகின்றது.
மேலும் சிவகார்த்திகேயனின் படங்களிலேயே அதிக பட்ஜெட்டில் உருவாகும் படம் இதுதான் என்றும் தகவல் வருகின்றன. இதுபோல இப்படம் தொடர்பாக பல தகவல்கள் வர இயக்குனரும் இசையமைப்பாளரும் மற்றும் வெங்கட் பிரபுவின் தந்தையுமான கங்கை அமரன் இப்படத்தை பற்றி பேசியிருக்கிறார். சமீபத்தில் ஒரு நேர்காணலில் பேசிய கங்கை அமரனிடம் SK26 திரைப்படம் குறித்து கேள்விகேட்கப்பட்டது.
அதற்கு பதிலளித்த கங்கை அமரன், சிவகார்த்திகேயன் மற்றும் வெங்கட் பிரபுவின் காம்போ சிறப்பாக இருக்கும். படத்தின் கதை அருமையா வந்துருக்கு, விரைவில் படப்பிடிப்பு துவங்கும் என்றார் கங்கை அமரன். இதன் மூலம் SK26 திரைப்படத்தின் மீதான ஹைப்பை கங்கை அமரன் மேலும் ஏற்றியிருக்கின்றார். ஏற்கனவே இப்படத்தின் மீது மாபெரும் அளவில் ஹைப் இருந்து வருகின்றது. தற்போது கங்கை அமரன் கூறியதற்கு பிறகு மேலும் இப்படத்தின் மீதான எதிர்பார்ப்புகள் அதிகரிக்க துவங்கியிருக்கிறது.
இந்நிலையில் இப்படத்தை சத்யஜோதி பிலிம்ஸ் தான் தயாரிக்கவுள்ளார்களாம். வெங்கட் பிரபு கடைசியாக இயக்கிய விஜய்யின் GOAT மிகப்பெரிய வெற்றியை பெற்றது. என்னதான் கலவையான விமர்சனங்களை GOAT பெற்றாலும் பெரும்பாலான ரசிகர்களால் இப்படம் கொண்டாடப்பட்டது. குறிப்பாக விஜய்யின் வில்லனிஸம் படத்தில் ஹைலைட்டாக அமைந்தது. அதனைத்தொடர்ந்து வெங்கட் பிரபு சிவகார்த்திகேயனின் படத்தை இயக்க இருக்கின்றார்.
GOAT என்ற பிரம்மாண்டமான படத்திற்கு பிறகு வெங்கட் பிரபு சிவகார்த்திகேயன்படத்தை இயக்குவதால் கண்டிப்பாக இப்படத்தின் வியாபாரம் அமோகமாக இருக்கும் என்பதில் எந்த சந்தேகமும் இல்லை. இதன் காரணமாக கண்டிப்பாக சிவகார்த்திகேயனின் மார்க்கெட்டும் உயரும் என உறுதியாக சொல்லப்படுகின்றது.
மறுபக்கம் சிவகார்த்திகேயனின் பராசக்தி திரைப்படம் பொங்கலுக்கு வெளியாகின்றது. இப்படத்தின் மூலம் சிவகார்த்திகேயன் அடுத்தகட்டத்துக்கு செல்வார் என்பது தான் அனைவரது நம்பிக்கையாகவும் உள்ளது. பராசக்தி படத்திற்கு பிறகு சிவகார்த்திகேயன் நடிக்கும் படம் என்பதால் கண்டிப்பாக SK26 திரைப்படத்திற்கு கூடுதல் எதிர்பார்ப்பு இருக்கும். இப்படிப்பட்ட ஹைப்பிற்கு மத்தியில் உருவாகப்போகும் SK26 திரைப்படத்தின் அதிகாரபூர்வ அறிவிப்பிற்காக தான் ஒட்டுமொத்த சிவகார்த்திகேயனின் ரசிகர்களும் ஆவலாக எதிர்பார்த்து காத்துகொண்டு இருக்கின்றனர்.
மிக விரைவில் இப்படத்தின் அறிவிப்பு வெளியாகி அடுத்தாண்டு ஜனவரி மாதம் முதல் படப்பிடிப்பு துவங்கப்படும் என தெரிகின்றது. இந்நிலையில் தற்போது சிவகார்த்திகேயனின் பராசக்திதிரைப்படத்தின் இறுதிக்கட்ட பணிகள் விறுவிறுப்பாக போய்க்கொண்டு இருக்கின்றது. சமீபத்தில் தான் இப்படத்திலிருந்து முதல் சிங்கிள் பாடல் வெளியாகி வரவேற்பை பெற்றது.
