Business Global International award அமைப்பானது எதிர்வரும் ஒக்டோபர் மாதம் 3ஆம் திகதி ‘Excellence Award’ என்ற நிகழ்வை யாழ்ப்பாணம் திவ்ய மஹால் மண்டபத்தில் நடாத்தவிருக்கின்றது.
எமது சமூகத்தில் பல்வேறு துறைகளில் சிறப்பாக செயல்பட்டு வருகின்ற பலர் இருக்கின்றார்கள். தொழில் முனைவோர், சமூக சேவையாளர்கள், கலைஞர்கள், ஊடகவியலாளர்கள் மற்றும் பல்வேறு துறைகளில் சாதனை படைத்தவர்களுடைய திறமை, உழைப்பு மற்றும் சமூகப் பங்களிப்புகளை பாராட்டி, அவர்களுக்கு சர்வதேச தரத்திலான ஒரு கௌரவத்தை வழங்க வேண்டும் என்ற நோக்கத்திலேயே Excellence Awards நிகழ்வை நடத்தும் எண்ணம் உருவான எனவும் Business Global International award -வின் நோக்கமும் சிறந்த சாதனையாளர்களை அடையாளம் கண்டு, அவர்களை கௌரவிப்பதுடன், மேலும் பலரை சாதனைப் பாதையில் பயணிக்க ஊக்குவிப்பது எனவும் Business Global International award அமைப்பு அறிவித்திருக்கின்றது.
BGIA என்பது தொழில், சமூக சேவை, தலைமைத்துவம், கலை, ஊடகம், கல்வி, சுகாதாரம், சுற்றுலா, தொழில்நுட்பம் உள்ளிட்ட பல்வேறு துறைகளில் சிறந்து விளங்குபவர்களை அடையாளம் கண்டு கௌரவிக்கும் ஒரு விருது அமைப்பாக செயல்பட்டு வருகிறது. கடந்த காலங்களில் பல்வேறு விருது மற்றும் சமூக அங்கீகார நிகழ்வுகளை நடத்தியுள்ளது.
குறிப்பாக கொழும்பு BMICH-ல் சர்வதேச விருது விழா நடத்தப்பட்டுள்ளது. மேலும் கத்தாரிலும் சமூக சேவையாளர்களை கௌரவிக்கும் விருது நிகழ்வு நடத்தப்பட்டுள்ளது. சமூக சேவையாளர்களை ஊக்குவிக்கும் வகையில் Social Service Awards போன்ற நிகழ்வுகளும் முன்னெடுக்கப்பட்டுள்ளன.
இந்த அனுபவங்களின் தொடர்ச்சியாகவே தற்போது வடமாகாணத்தில் Excellence Awards 2026 நிகழ்வை நடத்துவதற்கு BGIA தயாராகி வருகின்றது.
Excellence Awards நிகழ்வில் கலந்துகொள்ள அல்லது தொடர்புகொள்ள விரும்புபவர்கள் 0773653989 என்ற இலக்கத்துடன் தொடர்பு கொள்ளலாம்.
விருது தொடர்பான பரிந்துரைகள், பங்கேற்பு மற்றும் நிகழ்வு பற்றிய மேலதிக தகவல்களையும் இந்த இலக்கத்தின் ஊடாகப் பெற்றுக்கொள்ள முடியும் எனவும் தெரிவிக்கப்பட்டுள்ளது.
