மயிலாடுதுறை:
மதுராந்தகம் மற்றும் தாராபுரம் சட்டமன்றத் தொகுதிகளுக்கு நடைபெறவுள்ள இடைத்தேர்தலில் தமிழக வெற்றிக் கழகத்தின் (TVK) தலைமையிலான கூட்டணி 100 சதவீதம் வெற்றி பெறும் என வருவாய் மற்றும் பேரிடர் மேலாண்மைத்துறை அமைச்சர் கே.ஏ. செங்கோட்டையன் தெரிவித்தார்.
மயிலாடுதுறையில் செய்தியாளர்களைச் சந்தித்த அவர் தெரிவித்த முக்கியக் கருத்துகள்:
-
நிரந்தர முதலமைச்சர் விஜய்: தமிழ்நாட்டில் புதிய மாற்றத்தைக் கொண்டுவர மக்கள் வாக்களித்து விஜய்யை முதல்வராக்கியுள்ளனர்; அவர் இருக்கும் வரை அவர்தான் தமிழகத்தின் நிரந்தர முதலமைச்சர் எனவும், இந்தியாவுக்கே வழிகாட்டும் மாபெரும் ஆளுமை அவர் எனவும் செங்கோட்டையன் பெருமிதத்துடன் குறிப்பிட்டார்.
-
கூட்டணியில் புதிய கட்சிகள்: திமுக நிர்வாகி ஆர்.எஸ்.பாரதியின் விமர்ச்சனங்களுக்குப் பதிலளித்த அவர், தவெக ஆட்சிக்கு நாட்கள் எண்ணப்படவில்லை என்றும், மாறாக திமுகவுக்குத்தான் நாட்கள் எண்ணப்பட்டு வருவதாகவும் சாடினார். மேலும், இடதுசாரி கட்சிகள் கூட்டணியில் இணைவது குறித்த கேள்விக்கு, “பொறுத்திருந்து பாருங்கள், இடைத்தேர்தலுக்கு முன்னதாகக் கூட்டணியில் இன்னும் பல கட்சிகள் அதிகாரப்பூர்வமாக இணையும்” எனத் தெரிவித்தார்.
-
வெற்றி உறுதி: தவெக தலைமையிலான ‘மதச்சார்பற்ற சமூக நீதி வெற்றிக் கூட்டணி’ இடைத்தேர்தல்களில் முழுமையான வெற்றியைப் பதிவு செய்யும் என்றும், மின்வெட்டு உள்ளிட்ட விவகாரங்கள் போர்க்கால அடிப்படையில் சரிசெய்யப்பட்டு வருவதாகவும் அவர் மேலும் தெரிவித்தார்.
Hashtags:
#KASengottaiyan #TVKGovt #CMVijay #ByElections #Madurantakam #Dharapuram #TNPolitics #TamilNaduNews #ChennaiNews #TamilNews #BreakingNewsTamil
