தேனி,

தமிழக சட்டமன்றத் தேர்தல் வாக்குப்பதிவு நிறைவடைந்துள்ள நிலையில், போடிநாயக்கனூர் தொகுதி திமுக வேட்பாளராகக் களம் கண்ட முன்னாள் முதலமைச்சர் ஓ.பன்னீர்செல்வம், தனக்கு வாய்ப்பளித்த திமுக தலைமைக்கும் வாக்களித்த மக்களுக்கும் நன்றி தெரிவித்து அறிக்கை வெளியிட்டுள்ளார்.

அந்த அறிக்கையில் அவர் கூறியிருப்பதாவது:
“நடைபெற்று முடிந்த 2026 தமிழ்நாடு சட்டமன்றப் பொதுத்தேர்தலில், திமுக தலைமையிலான மதச்சார்பற்ற முற்போக்கு கூட்டணியின் போடிநாயக்கனூர் தொகுதி வேட்பாளராக என்னைத் தேர்வு செய்து, எனக்காகப் பரப்புரை ஆற்றிய கழகத் தலைவர், தமிழ்நாடு முதலமைச்சர் தளபதி மு.க.ஸ்டாலின் அவர்களுக்கு எனது மனமார்ந்த நன்றிகளைத் தெரிவித்துக் கொள்கிறேன்.

மேலும், எனக்காகத் தேர்தல் களத்தில் பணியாற்றிய துணை முதலமைச்சர் உதயநிதி ஸ்டாலின், திருச்சி சிவா எம்.பி, கி.வீரமணி, தேனி வடக்கு மாவட்டச் செயலாளர் தங்கதமிழ்செல்வன் எம்.பி மற்றும் கூட்டணி கட்சித் தலைவர்களுக்கும் எனது நன்றிகள். வெயிலையும் பொருட்படுத்தாமல் களத்தில் அயராது உழைத்த கழக உடன்பிறப்புகள், நிர்வாகிகள், தன்னார்வலர்கள் மற்றும் எனக்கு வாக்களித்த போடிநாயக்கனூர் தொகுதி வாக்காளப் பெருமக்கள் அனைவருக்கும் எனது நெஞ்சார்ந்த நன்றியை உரித்தாக்குகிறேன்.

‘திராவிட மாடல் 2.0’ ஆட்சி தொடரும்! தமிழ்நாடு வெல்லும்! நாம் ஒன்றாக வெல்வோம்!” என ஓ.பன்னீர்செல்வம் தனது எக்ஸ் (X) தளப் பதிவில் குறிப்பிட்டுள்ளார். அதிமுகவிலிருந்து பிரிந்து திமுக கூட்டணியில் களம் கண்டுள்ள ஓ.பன்னீர்செல்வத்தின் இந்த அறிக்கை அரசியல் வட்டாரத்தில் முக்கியத்துவம் வாய்ந்ததாகப் பார்க்கப்படுகிறது.