இலங்கையின் வெளியுறவு மற்றும் வெளிநாட்டு வேலைவாய்ப்பு பிரதியமைச்சர் அருண் ஹேமச்சந்திரவினால், இன்று மதியம் கொழும்பில் உள்ள முதன்மை மாநாட்டு அரங்கத்தில் கொழும்புத் திட்டத்தின் உறுப்பு நாடுகளின் பங்குதாரர்கள் கூட்டம் தலைமை தாங்கப்பட்டது. இந்த வரலாற்று இணைப்பு எழுபத்து நான்கு ஆண்டுகளுக்கு முன்பு முதன்முதலாகக் கருதப்பட்ட அதே நகரத்தில் இக்கூட்டம் நடைபெற்றது.

இக்கூட்டத்தில் இலங்கைக்கான அமெரிக்கத் தூதரும் கொழும்புத் திட்ட அவையின் தலைவருமான ஜூலி சங் மற்றும் கொழும்புத் திட்டத்தின் பொதுச் செயலாளர் டாக்டர் பெஞ்சமின் பி. ரேயஸ் ஆகியோர் உள்ளிட்ட உறுப்பு நாடுகளின் கௌரவ பிரதிநிதிகள் கலந்து கொண்டனர்.

தனது தொடக்க உரையில், பிரதியமைச்சர், கொழும்புத் திட்டம் ஆசியா மற்றும் பசிபிக் பிராந்தியத்தின் மிகப் பழமையான மற்றும் மீள்திறன் மிக்க பிராந்திய ஒத்துழைப்பு, திறன் ஆக்கப்படுத்துதல் மற்றும் மனிதவள மேம்பாட்டுக் கட்டமைப்புகளில் ஒன்றாகத் தொடர்ந்து மரபை வலியுறுத்தினார். புதிய நிதியுதவியைத் திரட்டுதல், உள்ளடக்கிய கூட்டாண்மைகளை வளர்ப்பது மற்றும் கொழும்புத் திட்டம் உறுப்பு நாடுகளுக்கிடையே பகிரப்பட்ட வளர்ச்சி மற்றும் ஒத்துழைப்புக்கான மாறும் தளமாகத் தொடர்ந்து செயல்படுவதை உறுதி செய்வதன் அவசியத்தையும் அவர் எடுத்துக் காட்டினார்.

கொழும்புத் திட்டத்தின் 75வது ஆண்டுவிழாவிற்கான (2026) தயாரிப்புகள் குறித்தும் இக்கூட்டத்தில் விவாதிக்கப்பட்டது. பங்குதாரர்களின் ஈடுபாட்டை விரிவுபடுத்தவும், நிறுவனத்தின் நீண்டகால நிலைத்தன்மையை வலுப்படுத்தவும் உள்ள வாய்ப்புகள் ஆராயப்பட்டன.

இலங்கையின் தொடர்ச்சியான உறுதிப்பாட்டை மீண்டும் உறுதிப்படுத்திய பிரதியமைச்சர் அருண் ஹேமச்சந்திரா, கொழும்புத் திட்டத்தின் எதிர்காலத்தைப் பாதுகாக்கவும், பிராந்தியத்தின் மாறிவரும் சமூக, பொருளாதார மற்றும் சுற்றுச்சூழல் முன்னுரிமைகளை நிவர்த்தி செய்வதில் அதன் பொருத்தத்தைப் பேணிக்கொள்ளவும் கூட்டுக் செயலின் முக்கியத்துவத்தை வலியுறுத்தினார்.

By C.G.Prashanthan