ஜனநாயகன் திரைப்படம் சென்சாரில் ஏற்பட்ட பிரச்சனை காரணமாக பொங்கலுக்கு வெளியாகவில்லை. இதனைத்தொடர்ந்து ஜனநாயகன் படத்திற்கும் அஜித்தின் இந்த படத்திற்கும் மாபெரும் ஒற்றுமை இருப்பதாக ரசிகர்கள் சிலர் கூறி வருகின்றனர்
முக்கிய அம்சங்கள்:

ஜனநாயகன் – வலிமை ஒற்றுமைகள்

விஜய் நடித்த கடைசி படமான ஜனநாயகன் இந்நேரம் திரைகளில் கொண்டாடப்பட்டு இருக்க வேண்டிய படமாக இருந்திருக்கும். ஆனால் சென்சாரில் ஏற்பட்ட சிக்கல்கள் காரணமாக இப்படம் பொங்கல் பண்டிகைக்கு வெளியாகாமல் போய்விட்டது. இது விஜய் ரசிகர்களுக்கும் ஜனநாயகன் படத்தை எதிர்பார்த்து காத்திருந்த ரசிகர்களுக்கும் பேரதிர்ச்சியாக அமைந்துவிட்டது. ஜனவரி 9 ஆம் தேதி இப்படம் வெளியாகும் என அறிவிக்கப்பட்டு அதற்கான வேலைகள் விறுவிறுப்பாக போய்க்கொண்டு இருந்தது.

படத்தின் இசை வெளியீட்டு விழா மற்றும் ட்ரைலர் ரிலீஸ் என அனைத்துமே சுமுகமாக சென்றது. ரிலீசுக்கு ஓரிரு நாட்களுக்கு முன்பு தான் சென்சார் பிரச்சனை தலைதூக்கியது. இருந்தாலும் கடைசி வரை இப்படத்தை பொங்கலுக்கு வெளிக்கொண்டு வர படக்குழு போராடினார்கள். ஆனால் அந்த போராட்டங்களுக்கு பலனளிக்கவில்லை. எனவே ஜனநாயகன் திரைப்படம் அடுத்த மாதம் பிப்ரவரி வெளியீடாக திரையில் ரிலீசாகும் என எதிர்பார்க்கப்படுகின்றது.