டொரன்ரோ பகுதி மற்றும் ரொரன்ரோ நகரவாசிகளில் 85 சதவீதமானோர், தமது நகரங்களில் வாழ்வதற்கும் வேலை செய்வதற்கும் அதிக செலவாக இருப்பதாகக் கருதுவதாக புதிய கருத்துக் கணிப்பொன்று தெரிவித்துள்ளது.
Canada Pulse Insights நிறுவனம் நடத்திய இந்தக் கருத்துக் கணிப்பு, ரொரன்ரோ மற்றும் GTA பகுதி மக்கள் தற்போது எதிர்கொள்ளும் வாழ்க்கைச் செலவு அழுத்தங்கள் குறித்து ஆய்வு செய்தது.
இதில், டொரன்ரோவில் வசிக்கும் 59 சதவீதமானோரும், GTA பகுதியில் வசிக்கும் 65 சதவீதமானோரும் தமது அன்றாடத் தேவைகளைப் பூர்த்தி செய்வதில் பெரும் சிரமங்களை எதிர்கொள்வதாகத் தெரிவித்துள்ளனர். குறிப்பாக, மளிகைப் பொருட்களுக்கான செலவு 48% மற்றும் வீட்டுக் கடன் அல்லது வாடகை 30% ஆகியவையே தமக்கு பெரும் சுமையாக இருப்பதாக மக்கள் குறிப்பிட்டுள்ளனர்.
அதிகரித்த வாழ்க்கைச் செலவின் காரணமாக, GTA பகுதி முழுவதும் 72 சதவீதமானோர் தமது தனிப்பட்ட செலவுகளைக் குறைத்துக் கொண்டுள்ளனர். ரொரன்ரோவில் செலவுகளைக் குறைத்தவர்களில், பொழுதுபோக்கு (45%), மளிகைப் பொருட்கள்/உணவு (40%), பயணம் (37%), மற்றும் அன்பளிப்புகள் (33%) ஆகியவற்றுக்கான செலவுகள் குறைக்கப்பட்டுள்ளன. இதேபோன்றே, GTA பகுதியிலும் பொழுதுபோக்கு (45%), மளிகைப் பொருட்கள்/உணவு (42%), பயணம் (38%), மற்றும் அன்பளிப்புகள் (28%) ஆகியவற்றுக்கான செலவுகள் குறைக்கப்பட்டுள்ளன.
