வடக்கு ஒன்டாரியோவில் உள்ள கஷெச்சுவான் (Kashechewan) முதல் நாட்டு சமூகத்தைச் சேர்ந்த 19 பேருக்கு கிரிப்டோஸ்போரிடியம் (Cryptosporidium) என்ற பராசிட் தொற்று உறுதி செய்யப்பட்டுள்ளது.
கஷெச்சுவான் முதல் நாட்டு சமூக அதிகாரிகள், அந்த சமூகத்தைச் சேர்ந்த 19 பேர் கிரிப்டோஸ்போரிடியம் எனப்படும் பராசிட்டால் பாதிக்கப்பட்டுள்ளதாக உறுதிப்படுத்தியுள்ளனர்.
இந்த பராசிட் குடல்சார் அறிகுறிகளை—முக்கியமாக வயிற்றுப்போக்கு மற்றும் வயிற்று வலி போன்றவற்றை—உண்டாக்குகிறது. போதுமான ஓய்வு மற்றும் நீர்சத்து வழங்கப்பட்டால், பெரும்பாலான சந்தர்ப்பங்களில் இந்த தொற்று தானாகவே குணமடைகிறது. எனினும், நோய் எதிர்ப்பு சக்தி குறைந்தவர்கள், இளம் குழந்தைகள் மற்றும் முதியவர்கள் போன்றோருக்கு நுண்ணுயிர் எதிர்ப்பு (antimicrobial) சிகிச்சை தேவைப்படலாம்.
கனடாவின் Indigenous Services Canada நிறுவனம், ஒன்டாரியோ பொது சுகாதாரத் துறை மற்றும் வடகிழக்கு பொது சுகாதார பிரிவுடன் இணைந்து, இந்த நோயின் காரணத்தை கண்டறிய பொது சுகாதார அதிகாரிகள் பணியாற்றி வருவதாக தெரிவித்துள்ளது.
“இந்த பராசிட் எங்கு இருந்து வந்தது என்பதை அறிய இன்னும் பல பரிசோதனைகள் மேற்கொள்ளப்பட வேண்டியுள்ளது,” என கஷெச்சுவானின் செயல் இயக்குநர் டைசன் வெஸ்லி, தெரிவித்தார்.
கிரிப்டோஸ்போரிடியம் மாசடைந்த மண், மலக்கழிவு மற்றும் ஏரி நீர் ஆகியவற்றில் காணப்படக்கூடும். பாதிக்கப்பட்டவர்களின் மலக்கழிவால் மாசடைந்த நீர் அல்லது உணவை உட்கொள்வதன் மூலம், அல்லது நோயுற்ற நபருடன் நேரடி தொடர்பு கொள்ளுவதன் மூலம், மனிதர்களுக்கு இந்த தொற்று பரவலாம் குறிப்பிடத்தக்கது.
