ஹரிஷ் கல்யாண் நடிப்பில் கடந்த வாரம் வெளிவந்த திரைப்படம் டீசல். இப்படத்தை இயக்குநர் ஷண்முகம் முத்துசாமி இயக்கியிருந்தார். இப்படத்தில் அதுல்யா ரவி, வினய், அனன்யா, காளி வெங்கட், யோகி பாபு ஆகியோர் நடித்திருந்தனர்.
கடந்த 17ஆம் தேதி திரைக்கு வந்த இப்படம் கலவையான விமர்சனங்களை பெற்றது. மேலும், தங்கள் திரைப்படத்திற்கு குறைவான திரையரங்குகள் ஒதுக்கப்பட்டதாக படத்தின் இயக்குநர் கூறியிருந்தார்.
இந்த நிலையில், டீசல் திரைப்படம் 5 நாட்களில் உலகளவில் எவ்வளவு வசூல் செய்துள்ளது என்பது குறித்து தகவல் வெளியாகியுள்ளது. அதன்படி, இப்படம் உலகளவில் இந்திய மதிப்பில் ரூ. 3 கோடி வசூல் செய்துள்ளது.
