சென்னை,
தமிழக சட்டமன்றத் தேர்தலுக்கான வாக்குப்பதிவு இன்று காலை 7 மணிக்குத் தொடங்கி விறுவிறுப்பாக நடைபெற்று வருகிறது. ஜனநாயகத் திருவிழாவின் ஒரு பகுதியாக, அரசியல் தலைவர்கள் மற்றும் பிரபலங்கள் தங்களது வாக்குகளைப் பதிவு செய்து வருகின்றனர்.
அந்த வகையில், நாம் தமிழர் கட்சியின் ஒருங்கிணைப்பாளரும், காரைக்குடி தொகுதியின் வேட்பாளருமான சீமான், சென்னை நீலாங்கரையில் உள்ள வாக்குச்சாவடியில் தனது வாக்கைச் செலுத்தினார். அவருடன் அவரது மனைவி கயல்விழியும் வந்து தனது ஜனநாயகக் கடமையை ஆற்றினார்.
வாக்களித்த பின் செய்தியாளர்களிடம் பேசிய சீமான், “ஜனநாயக நாட்டின் மிக வலிமையான கருவி வாக்கு மட்டுமே. அந்த உரிமையை நாம் அனைவரும் கட்டாயம் பயன்படுத்த வேண்டும். வாக்களிக்காமல் இருப்பது ஜனநாயகத்திற்குச் செய்யும் துரோகம். ஒரு ஓட்டு என்ன மாற்றத்தைச் செய்துவிடப் போகிறது என்று யாரும் நினைக்க வேண்டாம். ஒவ்வொரு வாக்கிலும் மாற்றத்தை உருவாக்கும் சக்தி இருக்கிறது. எனவே, மக்கள் அனைவரும் திரளாக வந்து தங்களது வாக்குகளைப் பதிவு செய்ய வேண்டும்,” என உருக்கமாகக் கேட்டுக்கொண்டார்.
#Seeman #NaamTamilarKatchi #NTK #TNElection2026 #VoteForChange #KaraikudiCandidate #ChennaiVoting #Neelankarai #SeemanSpeech #VoteForNTK #TamilPolitics #TamilNaduElection #ElectionDay #April23 #Democracy #PoliticalRevolution #SeemanVote #NTK2026 #TNAssemblyElection #BreakingNews
