கனடா பிரம்ப்டன் நகர சபை (Brampton City Council) ஒருமனதாக Stellantis Brampton Assembly Plant-க்கு புதிய திட்டமிடல் பாதுகாப்புகளை அங்கீகரித்தது. இது வாகன உற்பத்தித் துறையை பாதுகாப்பதற்கும், எங்கள் உள்ளூர் சமூகத்தில் நீண்டகால வேலை வாய்ப்புகளை ஆதரிப்பதற்குமான எங்கள் உறுதிப்பாட்டை வலுப்படுத்துகிறது என பிரம்ப்டன் நகர சபை தனது முகநூல் பக்கத்தில் பதிவிட்டுள்ளது.
அதிகாரப்பூர்வ திட்டம், சட்டம் மற்றும் தொடர்புடைய கொள்கைகளில் செய்யப்பட்ட திருத்தங்களின் மூலம், 2000 Williams Parkway-இல் உள்ள நிலப்பகுதி வாகன அசெம்ப்ளி மற்றும் அதனுடன் தொடர்புடைய உற்பத்திப் பயன்பாடுகளுக்காக ஒதுக்கப்படும். இதன் மூலம் இந்த முக்கிய பொருளாதார சொத்து பல ஆண்டுகள் பாதுகாக்கப்படும்.
உலகளாவிய பொருளாதார அழுத்தங்கள் வட அமெரிக்க வாகனத் துறையை தொடர்ந்து பாதித்து வரும் நிலையில், இன்றைய தீர்மானங்கள் உள்ளூர் தொழிலாளர்களுக்காக உறுதியாக நிற்கும் பிராம்ப்டன் நகரத்தின் தலைமைத்துவத்தை பிரதிபலிக்கின்றன. மேலும், தொழில் முதலீடுகளை ஆதரித்து, கனடாவின் உற்பத்தித் துறையின் நீண்டகால போட்டித்திறனை வலுப்படுத்தும் நோக்கத்தையும் வெளிப்படுத்துகின்றன எனவும் அந்தப் பதிவில் மேலும் தெரிவிக்கப்படுகின்றது.
