வெள்ளப் பேரழிவால் பாதிக்கப்பட்டு தற்போது “பாதுகாப்பு மையங்களில்” உள்ள இலங்கை மக்களுக்கு அவுஸ்திரேலிய அரசாங்கத்தால் “செயல்படுத்தப்பட்ட துணை ஊட்டச்சத்து உணவாக” தயாரிக்கப்பட்ட10.02 மெட்ரிக் தொன் எடையுள்ள பிஸ்கட்கள் கட்டுநாயக்க விமான நிலையத்திற்கு இன்று அனுப்பப்பட்டன.
இவை, மாத்தளை மற்றும் நுவரெலியா மாவட்டங்களில் தற்போது பாதுகாப்பு மையங்களில் உள்ள மற்றும் தனிமைப்படுத்தப்பட்ட மக்களுக்கு விநியோகிக்க திட்டமிடப்பட்டுள்ளது.
உலக உணவுத் திட்டத்துடன் அவுஸ்திரேலிய அரசாங்கத்தால் கூட்டாக ஏற்பாடு செய்யப்படும் இந்த திட்டத்தின் கீழ், 3.5 மில்லியன் அவுஸ்திரேலிய டொலர்கள் மதிப்புள்ள இந்த பிஸ்கட்களில் 70 மெட்ரிக் டன் நாட்டிற்கு வழங்க திட்டமிடப்பட்டுள்ளது.
துபாயில் உள்ள அவுஸ்திரேலிய அரசாங்கத்தால் பராமரிக்கப்படும் ஒரு களஞ்சியசாலையில் இருந்து பிஸ்கட்கள் ஸ்ரீலங்கன் ஏர்லைன்ஸ் விமானம் UL-226 மூலம் துபாயில் இருந்து கட்டுநாயக்க விமான நிலையத்திற்கு இன்று காலை 06.00 மணிக்கு அனுப்பப்பட்டன.
இந்நிகழ்வில் இலங்கைக்கான அவுஸ்திரேலிய உயர் ஸ்தானிகர் மேத்யூ டக்வொர்த், உலக உணவுத் திட்ட இலங்கை வதிவிடப் பிரதிநிதி பிலிப் வார்ட் மற்றும் கிராமப்புற மேம்பாடு, சமூகப் பாதுகாப்பு மற்றும் சமூக வலுவூட்டல் அமைச்சின் செயலாளர் சம்பத் மந்திரிநாயக்க ஆகியோர் கட்டுநாயக்க விமான நிலையத்தில் கலந்து கொண்டனர்.
