ஸ்டீல்ஸ் (Steeles) மற்றும் இஸ்லிங்டன் (Islington) பகுதிக்கு அருகிலுள்ள ஒரு குடியிருப்பில் ஏற்பட்ட கத்திக்குத்துச் சம்பவத்தில், பாதிக்கப்பட்ட ஒருவர் உயிருக்கு ஆபத்தான காயங்களுக்கு உள்ளாகியுள்ளார்.
வியாழக்கிழமை அதிகாலை நோர்த் யார்க்கில் ஏற்பட்ட கத்திக்குத்துச் சம்பவத்தைத் தொடர்ந்து ஒருவர் உயிருக்கு ஆபத்தான காயங்களுக்கு உள்ளாகியுள்ளார்.
கத்திக்குத்துச் சம்பவம் குறித்து தகவல் கிடைத்ததை அடுத்து, அதிகாலை 1:15 மணிக்குப் பின்னர் இஸ்லிங்டன் மற்றும் ஸ்டீல்ஸ் அவென்யூக்களுக்கு அருகிலுள்ள பிளங்கெட் வீதிக்கு (Plunkett Road) தாங்கள் அழைக்கப்பட்டதாக அவசர மருத்துவ உதவியாளர்கள் (paramedics) தெரிவித்துள்ளனர்.
CP24 ஊடகத்திற்கு அனுப்பிய மின்னஞ்சலில், பலத்த மற்றும் உயிருக்கு ஆபத்தான காயங்களுடன் வயது வந்த நபர் ஒருவர் கண்டறியப்பட்டு வைத்தியசாலைக்குக் கொண்டு செல்லப்பட்டதாக அவசர மருத்துவ உதவியாளர்கள் குறிப்பிட்டுள்ளனர்.
இதனைத் தொடர்ந்து 28 வயதுடைய பெண் ஒருவர் சிறிது நேரத்திலேயே கைது செய்யப்பட்டதாக பொலிஸார் தெரிவித்தனர்.
பாதிக்கப்பட்ட நபரும் குற்றம் சாட்டப்பட்டவரும் ஒருவருக்கு ஒருவர் தெரிந்தவர்கள் என்றும், இதனால் “பொதுப் பாதுகாப்பிற்கு எந்த அச்சுறுத்தலும் இல்லை” என்றும் புலனாய்வாளர்கள் தெரிவித்துள்ளனர்.
