உடல் எடையை குறைத்த தன்னை சமூக வலைதளங்களில் கிண்டல் செய்து கொண்டிருப்பவர்களுக்கு தக்க பதிலடி கொடுத்திருக்கிறார் தமன்னா. அவர் சொன்ன ஒரு விஷயம் ரசிகர்களை மகிழ்ச்சி அடைய வைத்திருக்கிறது.
20 ஆண்டுகளாக படங்களில் நடித்து வருகிறார் தமன்னா. அவர் நடிக்க வந்த புதிதில் ஒல்லியாக இருந்தார். அதன் பிறகு லைட்டாக வெயிட் போட்டார்.
இந்நிலையில் தற்போது தன் உடல் எடையை வெகுவாக குறைத்து மீண்டும் ஸ்லிம்மாகிவிட்டார். அதை பார்த்த ரசிகர்களோ எங்க தம்மு ஒல்லியாக இருந்தாலும் அழகு, சப்பியாக இருந்தாலும் அழகு தான் என்று கூறியிருக்கிறார்கள். மற்றவர்களோ தமன்னாவின் எடை குறைப்பை கிண்டல் செய்திருக்கிறார்கள். மேலும் அவர் விரைவில் எடையை குறைக்க Ozempic பயன்படுத்தியிருக்கிறார் என்று குற்றம் சாட்டினார்கள். இந்நிலையில் அது குறித்து விளக்கம் அளித்திருக்கிறார்.
15 வயதில் இருந்து நடித்துக் கொண்டிருக்கிறேன். 20களில் நான் ஒல்லியாக இருந்தேன். தற்போது நான் ஒல்லியாக இருப்பது எனக்கு ஒன்றும் புதிது அல்ல. நான் பெரும்பாலும் இப்படித் தான் இருந்தேன், இருக்கிறேன்.
நான் ஒல்லியாக இருப்பது பாலிவுட் ரசிகர்களுக்கு வேண்டுமானால் புதிதாக இருக்கலாம். ஆனால் தென்னிந்திய ரசிகர்களுக்கு இல்லை. நான் 100வது படத்தை நெருங்கிக் கொண்டிருக்கிறேன். அதனால் என்னை பல படங்களில் பலவிதமான உடல்வாகுடன் ரசிகர்கள் பார்த்திருப்பார்கள். ஒரு பெண்ணின் உடல்வாகு மாறிக் கொண்டே இருக்கும் என்பதை மக்கள் புரிந்து கொள்ள வேண்டும்.
