சபரிமலை தங்கம் திருட்டு வழக்கில் நடிகர் ஜெயராமுக்கு அமலாக்கத்துறை சம்மன் அனுப்பப்பட்டு உள்ளது. இது குறித்து விரிவாக பார்க்கலாம்.
கேரள மாநிலத்தில் உலக பிரசித்தி பெற்ற சபரிமலை ஐயப்பன் கோவில் உள்ளது.இந்த ஐயப்பன் கருவறைக்கு வெளியே துவார பாலகர்கள் சிலைகள் தங்க முலாம் பூசப்பட்டு உள்ளனர். இந்த நிலையில், கடந்த 2019 ஆம் ஆண்டு கோவிலின் புனரமைப்பு பணிகள் நடந்தனர்.
அப்போது தங்க முலாம் பூச துவார பாலகர்கள் சிலைகளை சென்னைக்கு எடுத்து சென்றதாக கூறப்படுகிறது.பின்னர் தங்க முலாம் பூசப்பட்டதங்க தகடுகள் துவார பாலகர்கள் சிலைகள் மீது அணியப்பட்டது.அப்போது சுமார் 4 கிலோ தங்கம் திருடு போனதாக குற்றச்சாட்டி எழுந்தது. இந்த சம்பவம் நாடு முழுவதும் பெரும் அதிர்வலைகளை ஏற்படுத்தியது.
இந்த குற்றச்சாட்டைத் தொடர்ந்து கேரள நீதிமன்ற தாமாக முன்வந்து விசாரணைக்கு எடுத்தது. அப்போது, கேரள மாநிலத்தின்கூடுதல் டிஜிபி வெங்கடேஷ் தலைமையில் அமைக்கப்பட்ட சிறப்பு புலனாய்வுக் குழு இந்த வழக்கை தீவிரமாக விசாரித்து வருகிறது.தொடர்ந்தூ சிறப்பு புலனாய்வுக் குழு நடத்திய விசாரணையில், சென்னை ஸ்மார்ட் கிரியேஷன்ஸ் நிறுவனத்தின் மூலம் உருக்கப்பட்ட தங்கத்தை, உன்னிகிருஷ்ணன் போத்தி கர்நாடக மாநிலம் பெல்லாரியில் உள்ள ‘கோவர்தன்’ என்ற நகைக்கடை உரிமையாளரிடம் விற்றதாக விசாரணையில் தெரிய வந்துள்ளது.
இதுதொடர்பாக, போலீசாரிடம் அளித்த வாக்குமூலத்தில் அவர் 476 கிராம் தங்கத்தை விற்பனை செய்ததாக ஒப்புக்கொண்டுள்ளார்.இந்த விசாரணையின் ஒரு பகுதியாக, தேவசம் வாரியத்தின் முன்னாள் தலைவர், இந்த வழக்கில் உன்னிகிருஷ்ணன் போத்தி, முன்னாள் நிர்வாக அதிகாரி முராரி பாபு, தேவஸ்வம் செயலர் ஜெயஸ்ரீ ஆகியோரைப் போலவே, முன்னாள் திருவாபரண கமிஷனர்கள் பைஜூ மற்றும் ராதாகிருஷ்ணன், முன்னாள் எக்ஸிகியூட்டிவ் அதிகாரிகள் சுதீஷ்குமார், ராஜேந்திர பிரசாத், அசிஸ்டெண்ட் இன்ஜினியர் சுனில்குமார் உட்பட மொத்தம் 11 பேரை போலீஸார் கைது செய்துள்ளனர்.
தங்கக் கவசங்களில் உள்ள தங்கம் சென்னைக்கு கொண்டு வரப்பட்டபோது, அவை நடிகர் ஜெயராமின் இல்லத்தில் வைத்து பூஜை செய்யப்பட்டதாக தகவல்கள் வெளியாகின. மேலும், இந்த வழக்கில் முக்கிய குற்றவாளியாக கருதப்படும் உன்னிகிருஷ்ணன் போத்தி என்பவருடன், நடிகர் ஜெயராம் நீண்ட காலமாக தொடர்பில் இருந்ததும் விசாரணையில் தெரிய வந்துள்ளதாக கூறப்படுகிறது.
இதனைத் தொடர்ந்து, சென்னை வந்த சிறப்பு புலனாய்வுக் குழுவினர் நடிகர் ஜெயராமின் இல்லத்தில் அவரிடம் விசாரணை மேற்கொண்டனர். இதன் தொடர்ச்சியாக, இந்த வழக்கில் அமலாக்கத்துறை விசாரணை நடத்த தீர்மானித்து, ஜெயராமுக்கு சம்மன் அனுப்பியுள்ளது. அதன்படி, கொச்சியில் உள்ள அமலாக்கத்துறை அலுவலகத்தில் அடுத்த வாரம் அவர் நேரில் ஆஜராக வேண்டும் என சம்மனில் குறிப்பிடப்பட்டுள்ளது.
சபரிமலை தங்கம் திருட்டு வழக்கில், கடந்த மாதம் மத்திய அரசின் அனுமதியுடன் சட்டவிரோத பண பரிமாற்ற தடுப்பு சட்டத்தின் கீழ் அமலாக்கத்துறை வழக்கு பதிவு செய்துள்ளது. இந்த வழக்கில் இதுவரை 12 பேருக்கு அமலாக்கத்துறை சம்மன் அனுப்பியுள்ளது. இதில், சம்மன் பெற்ற 12 பேரில் மூன்று பேர்களின் பெயர்கள் மட்டுமே சிறப்பு புலனாய்வுக் குழு தாக்கல் செய்த குற்றப்பத்திரிகையில் இடம்பெற்றுள்ளதும் குறிப்பிடத்தக்கதாக உள்ளது.
