அனர்த்த நிலைமை காரணமாக தங்கள் இருப்பிடத்தை மாற்றியுள்ள மாணவர்களுக்கு, வசதியான பரீட்சை மண்டபங்களில் பரீட்சை எழுதும் வாய்ப்பை வழங்க பரீட்சை திணைக்களம் திட்டமிட்டுள்ளது.
பரீட்சை திகதிக்கு இரண்டு வாரங்களுக்கு முன்னர் இலங்கை பரீட்சை திணைக்களத்திற்கு அறிவிக்கப்பட வேண்டும் என்று பரீட்சைகள் ஆணையாளர் நாயகம் இந்திக லியனகே தெரிவித்துள்ளார்.
பாடசாலை விண்ணப்பதாரியின் இருப்பிடம் மாற்றப்பட்டிருந்தால் அதிபர், வலயக் கல்வி பணிப்பாளர் மூலம் பரீட்சை திணைக்களத்திற்கு அறிவிக்கலாம்.
தனியார் விண்ணப்பதாரராக இருந்தால், அவர்கள் பரீட்சை திணைக்களத்தின் தொடர்பு இலக்கமாக 1911 அல்லது 0112784537, 0112786616, 0112784208 என்ற தொலைபேசி எண்களுக்கு அழைத்து அவர்களுக்குத் தெரிவிக்கலாம் என ஆணையாளர் சுட்டிக்காட்டியுள்ளார்.
பரீட்சை எழுதும் மாணவர்களுக்கு கல்வியமைச்சு விடுத்துள்ள முக்கிய அறிவிப்பு | Important Announcement For A L Exam Students
மேலும், ஒரு பாடசாலை அல்லது தனியார் விண்ணப்பதாரரின் தேர்வு அனுமதி அட்டை தொலைந்து போயிருந்தால், www.doenets.lk என்ற வலைத்தளத்திலிருந்து அதனை பதிவிறக்கம் செய்யலாம் எனவும் அவர் குறிப்பிட்டுள்ளார்.
பாடசாலை விண்ணப்பதாரர்கள் அதை அதிபர் மூலமாக பதிவிறக்கம் செய்து கொள்ள வேண்டும். தனியார் விண்ணப்பதாரர்கள் நேரில் அனுமதி அட்டைகளை பதிவிறக்கம் செய்து கொள்ளலாம்.
ஒரு மாணவரின் அடையாள அட்டை தொலைந்து போயிருந்தால், அவர்கள் இரண்டு கடவுச்சீட்டு அளவிலான புகைப்படங்களில் அதிபர் மற்றும் வலய கல்வி பணிப்பாளரின் கையொப்பத்தைப் பெறலாம்.
ஒரு தனியார் விண்ணப்பதாரராக இருந்தால், அவர்கள் புகைப்படங்களில் கிராம அலுவலர் மற்றும் பிரதேச செயலாளரால் கையொப்பமிடப்பட்டு, அவற்றை தற்காலிக அடையாள அட்டைகளாகப் பயன்படுத்தலாம்.
பரீட்சை எழுதும் மாணவர்களின் பாடகுறிப்புகள் தொலைந்து போயிருந்தால், சமூகத்தில் உள்ளவர்கள் அவர்களுக்கு உதவுவது பொருத்தமானது என்பதையும் பரீட்சைகள் ஆணையாளர் நாயகம் தெளிவுபடுத்தியுள்ளார்.
