கார்த்தி நடிப்பில் கடந்தாண்டு ‘மெய்யழகன்’ வெளியானது. 96 பிரேம்குமார் இயக்கத்தில் பீல்குட் படைப்பாக வெளியாகி இப்படம் பாராட்டுக்களை குவித்தது. இதனையடுத்து அவரது நடிப்பில் இந்தாண்டு படங்கள் எதுவும் ரிலீஸ் ஆகாமல் இருந்த நிலையில், தற்போது ‘வா வாத்தியார்’ வெளியாகவுள்ளது. நலன் குமாரசாமி இயக்கத்தில் உருவாகியுள்ள இப்படத்தின் ரிலீசுக்காக ரசிகர்கள் ஆர்வமுடன் காத்திருப்பில் உள்ளனர்.

கடந்த இரண்டு ஆண்டுகளாக கார்த்தி நடிப்பில் உருவாகி வந்தது ‘வா வாத்தியார்’. நலன் குமாரசாமி இயக்கத்தில் உருவாகி வந்த இந்த படத்தின் ரிலீஸ் தொடர்ந்து தள்ளிப்போய் கொண்டே இருக்கிறது. இதனிடையில் சமீபத்தில் இந்த படத்துடைய ரிலீசுக்கு இடைக்கால தடை விதிக்கப்பட்டது. இதனால் ரசிகர்கள் கடுமையாக அதிருப்தி அடைந்தனர். இந்நிலையில் ‘வா வாத்தியார்’ படத்துடைய அட்டகாசமான டிரெய்லர் வெளியாகி ரசிகர்களை கவர்ந்து வருகிறது.

நலன் குமாரசாமி இயக்கத்தில் கலகலப்பான காமெடி படமாக ‘வா வாத்தியார்’ உருவாகியுள்ளது டிரெய்லரிலே தெரிகிறது. போலீஸ் அதிகாரியாகவும், எம்ஜிஆர் போன்ற லுக்கிலும் படத்தில் கார்த்தி அதகளம் செய்துள்ளார். அவருடைய டைமிங் காமெடிகள், முக பாவனைகள் பெரியளவில் ரசிகர்களை கவர்ந்துள்ளன. ஃபேண்டஸி கலந்த வித்யாசமான ஜானரிலும் இப்படம் தயாராகி இருப்பதும் முன்னோட்ட வீடியோவில் தெரிகிறது.

குறிப்பாக டிரெய்லர் முடிவில் எம்ஜிஆர் போன்று போன்ற லுக்கில் குதிரையில் கண்ணுக்கு மாஸ்க் போட்டு கார்த்தி வருகிறார். இந்த காட்சி டிரெய்லரில் ஹைலைட்டாக அமைந்துள்ளது. அதோடு எம்ஜிஆரின் ‘உங்கள் வீட்டு பிள்ளை’ பாடலும் ரீமேக் செய்யப்பட்டுள்ளது. சந்தோஷ் நாராயணனின் இசையில் இந்த ரீமேக் பாடல் தியேட்டரில் பட்டையை கிளப்பும் என எதிர்பார்க்கப்படுகிறது. அதோடு ராஜ் கிரணும், சத்யராஜும் டிரெய்லரில் கவனம் ஈர்த்துள்ளன.

இந்த வழக்கில் ‘வா வாத்தியார்’ படத்தினை ரிலீஸ் செய்வதற்கு இடைக்கால தடை விதிக்கப்பட்டது. இதனால் ரசிகர்கள் கடுமையாக அதிர்ச்சி அடைந்தனர். அதோடு திட்டமிட்டப்படி இப்படம் வரும் டிசம்பர் 12 ஆம் தேதி ரிலீசாகுமா என்ற குழப்பமும் எழுந்தது. இந்நிலையில் தற்போது வெளியாகியுள்ள டிரெய்லரில் வரும் 12 அன்று ‘வா வாத்தியார்’ ரிலீஸ் என குறிப்பிடப்பட்டுள்ளது. அன்றைய தினம் படத்தினை வெளியிட வேண்டும் என்பதில் படக்குழுவினர் உறுதியாக உள்ளனர்.

சூது கவ்வும், காதலும் கடந்து போகும் போன்ற படங்களை கொடுத்து ரசிகர்களை இடையில் கவனம் ஈர்த்த நலன் குமாரசாமி இயக்கத்தில் ‘வா வாத்தியார்’ உருவாகியுள்ளது. கார்த்தியுடன் சத்யராஜ், ராஜ்கிரண், கீர்த்தி ஷெட்டி, ஜி.எம். சுந்தர், ஆனந்த் ராஜ் மற்றும் கருணாகரன் உள்ளிட்ட பலரும் இந்த படத்தில் இணைந்து நடித்துள்ளனர். மேலும், ஸ்டூடியோ கிரீன் ஞானவேல் ராஜா தயாரித்துள்ள இப்படத்துக்கு சந்தோஷ் நாராயணன் இசையமைத்துள்ளது குறிப்பிடத்தக்கது.