இலங்கை கிரிக்கெட் அணிக்கான ஐசிசி ஆடவர் ரி20 உலகக் கிண்ண உத்தியோகபூர்வ ஜேர்சியை ஸ்ரீலங்கா கிரிக்கெட்டின் (SLC) உத்தியோகபூர்வ ஆடை பங்காளியான மூஸ் குளோதிங் நிறுவனம் அறிமுகம் செய்து வைத்தது. இந்த பங்காளித்துவத்தின் ஒரு முக்கிய மைல்கல்லை இது குறிக்கிறது.

அது மட்டுமல்லாமல், முன்னெப்போதையும் விட இலங்கை கிரிக்கெட் அணியுடன் ரசிகர்ளை நெருங்கச் செய்யும் முகமாக வடிவமைக்கப்பட்ட முதலாவது டிஜிட்டல் அனுபவமான மூஸ் ரசிகர் செயலியும் ஆரம்பிக்கப்படவுள்ளது.

இவை அனைத்தும் ஸ்ரீலங்கா கிரிக்கெட் நிறுவனத்துடன் 2023இல் ஏற்படுத்திக்கொள்ளப்பட்ட மூஸ் குளோதிங் நிறுவனத்தின் பங்காளித்துவத்தின் தொடர்ச்சியான பரிணாமத்தை எடுத்துக்காட்டுகிறது.

இலங்கையின் பிரபல்ய சின்னமான பிரகாசமான மஞ்சள் நிறத்துடன் கரு நீலம் பிணைத்துள்ள இந்த ஜெர்சியானது ஆற்றல், ஒற்றுமை மற்றும் நம்பிக்கையை பிரதிபலிக்கிறது. வீரரின் பெயர் மற்றும் இலக்கம் பொறிக்கப்பட்டுள்ள விதமானது சமகால சர்வதேச கலவையை எடுத்துக்காட்டுகிறது. அத்துடன் ஆடையின் தொள்களில் காணப்படும் கலைத்துவமான நீல நிறம் தேசிய அடையாளத்திற்கு கௌரவம் செலுத்துவதாக அமைகின்றது.

அதே தினத்தன்று, அதே மேடையில் ஜெர்சி அறிமுகத்துடன் ஒரு புரட்சிகரமான ரசிகர் ஈடுபாட்டு தளத்தை மூஸ் அறிமுகம் செய்துவைத்தது.

இந்தத் தளம் மூஸ் ரசிகர் செயலி என பெயரிடப்பட்டுள்ளது. இலங்கை கிரிக்கெட் வரலாற்றில் முதல் தடவையாக ரசிகர்கள் ஜெர்சியின் ஒரு பகுதியாக மாறுவதற்கு அழைக்கப்படுகிறார்கள். இந்த செயலியின் மூலம், ஆயிரக்கணக்கான ரசிகர்களின் படங்களைப் பயன்படுத்தி உருவாக்கப்பட்ட டிஜிட்டல் மொசைக்கில் பதிக்கப்பட்ட ஒரு செல்ஃபியை ஆதரவாளர்கள் பதிவேற்றலாம், இது ஒரு சிறப்பு மூஸ் ரசிகர் ஜெர்சியை உருவாக்குகிறது.

இந்த வைபவத்தில் இடம்பெற்ற கலந்துரையாடலின்போது, ‘விளையாட்டை விட ஒரு தேசமாக நாம் யார் என்பதை இலங்கை கிரிக்கெட் எப்போதும் எடுத்துக்காட்டுகிறது. புதிய உலகக் கிண்ண ஜெர்சி, மூஸ் ரசிகர் ஆப் ஆகியவற்றின் மூலம், ஒவ்வொரு இலங்கையரும் இந்தப் பயணத்தின் ஒரு பகுதியாக உணர வேண்டும் என்று நாங்கள் விரும்புகிறோம். இந்த ஜெர்சி அணியை மட்டும் பிரதிநிதித்துவப்படுத்துவதில்லை. அது அணியின் பின்னால் நிற்கும் மக்களின் முகங்களையும் கதைகளையும் சுமந்து செல்கிறது. உண்மையாகக் கூறுவதென்றால், எமது வீரர்கள் களத்தில் இறங்கும்போது, அவர்கள் முழு தேசத்தினதும் பெருமையை தங்கள் தோள்களில் சுமந்து செல்கிறார்கள்’ என மூஸ் குளோதிங் நிறுவனத்தின் பிரதம நிறைவேற்று அதிகாரி ஹரிஸ் ஒமர் தெரிவித்தார்.

ஐசிசி ஆடவர் ரி20 உலகக் கிண்ணம் 2026க்கான உத்தியோகபூர்வ ஜெர்சியை ஒத்த ஜேர்சிகளை கொழும்பு மற்றும் கண்டியில் உள்ள Moose Clothing stores களிலும், www.mooseclothingcompany.com என்ற இணையதளத்திலும் கொள்வனவு செய்யலாம். மேலும் ஒன்லைனில் கொள்முதல் செய்வோருக்கு ஜேர்சிகள் இலவசமாக விநியோகிக்கப்படும். Moose Fan App மூலம் பிரத்தியேகமாக முன்கூட்டிய ஆர்டருக்கு Moose Fan jerey கிடைக்கும்.

Moose Fan App ஜனவரி 21ஆம் திகதி ஆரம்பமாவதுடன் Google Play மற்றும் iOS இல் பதிவிறக்கம் செய்யக்கூடியதாக இருக்கும்.