கடந்த இரவு நடைபெற்ற பிராம்ப்டன் நகராட்சி – உங்கள் உள்ளாட்சி அரசு ஏற்பாடு செய்த BramBudget2026 தொலைபேசி டவுன் ஹால் கலந்துரையாடலில் பங்கேற்ற அனைவருக்கும் எங்களின் நன்றியைத் தெரிவித்துக் கொள்கிறோம் என பிராம்ப்டன் நகராட்சி தனது சமூக வலைத்தளத்தில் பதிவு செய்துள்ளது.

5,800-க்கும் மேற்பட்ட குடும்பங்கள் இதில் பங்கேற்று, நகராட்சியின் பட்ஜெட் ஆலோசனைச் செயல்முறைகளுக்கு வழிகாட்டும் வகையில் கேள்விகள், கருத்துகள் மற்றும் முன்னுரிமைகளைப் பகிர்ந்துகொண்டனர்.

மாலை முழுவதும், குடிமக்கள் நேரடி கருத்துக்கணிப்புகள் (live polling) மூலம் தங்களது பார்வைகளை வெளிப்படுத்தினர். இதன் மூலம் செலவுக்குத் தாங்குதல் (affordability), சேவை மட்டங்கள் மற்றும் முக்கிய முதலீட்டு துறைகள் குறித்து மதிப்புமிக்க கருத்துகள் பெறப்பட்டன.

கருத்துக்கணிப்பு முடிவுகள் பின்வருமாறு,

90% பங்கேற்பாளர்கள், பாதுகாப்பை மேம்படுத்தவும், சொத்து உரிமையாளர்களின் பொறுப்புணர்வை உறுதிப்படுத்தவும், துணைச் சட்ட (by-law) சேவைகள் மற்றும் தீயணைப்பு அதிகாரிகளின் விரிவாக்கத்திற்கு ஆதரவு தெரிவித்தனர்.

பெரும்பாலானோர் (39%) சிறிய வரி உயர்வு ஏற்பட்டாலும், தற்போதைய சேவை மட்டங்களைத் தொடர்ந்து பேண வேண்டும் என ஆதரித்தனர்.

77% பேர், பிராம்ப்டனின் இரண்டாவது மருத்துவமனை கட்டுவதற்கான நகரத்தின் உள்ளூர் பங்காக தேவைப்படும் தொடர்ச்சியான 1% நகராட்சி வரி (City levy)-க்கு ஆதரவு தெரிவித்தனர்.

65% பேர், செயலில் ஈடுபடும் போக்குவரத்து (active transportation) தொடர்பான நகரத்தின் தொடர்ச்சியான விரிவாக்க முயற்சிகளுக்கு ஆதரவு அளித்தனர்.

41% பேர், ஒவ்வொரு குடும்பத்திற்கும் ஆண்டுக்கு சராசரியாக $92 அளவிலான சொத்து வரி உயர்வை (driveway windrow clearing சேவைக்காக) ஏற்கத் தயாராக இருப்பதாக தெரிவித்தனர்.

2026 ஆம் ஆண்டுக்கான பட்ஜெட் குறித்து நகரத் தலைமைத்துவத்துடன் நேரடியாக கலந்துரையாடும் வாய்ப்பை வழங்கும் வகையில், இவ்வாரத்தில் அனைத்து வார்டு இணைப்புகளிலும் நடைபெறவுள்ள Ward Coffee Chats மூலம் குடிமக்கள் இந்த உரையாடலைத் தொடர்ந்து முன்னெடுக்கலாம் என பிராம்ப்டன் நகராட்சி நகராட்சி தெரிவித்துள்ளமை குறிப்பிடத்தக்கது.