பிரபல மின்னணு சாதன விற்பனை நிறுவனமான ‘கனடா கம்ப்யூட்டர்ஸ்’ (Canada Computers & Electronics), தனது இணையதளத்தில் நடந்த சைபர் தாக்குதலில் சுமார் 1,300 வாடிக்கையாளர்களின் ரகசியத் தகவல்கள் திருடப்பட்டுள்ளதாக அதிகாரப்பூர்வமாக அறிவித்துள்ளது.
இந்தத் தகவல் திருட்டு அனைத்து வாடிக்கையாளர்களையும் பாதிக்கவில்லை எனவும் குறிப்பிட்ட சிலரை மட்டுமே பாதித்துள்ளது எனவும் தெரியவருகின்றது.
உறுப்பினராகப் பதிவு செய்து (Member Account) பொருட்கள் வாங்கியவர்களுக்கும், நேரடியாகக் கடைகளுக்குச் சென்று (In-store) பொருட்கள் வாங்கியவர்களுக்கும் எந்தப் பாதிப்பும் இல்லை என நிறுவனம் உறுதி அளித்துள்ளது.
இந்தச் சம்பவம் குறித்து கனடா நாட்டின் தனியுரிமை ஆணையத்திடம் (Privacy Commissioner) புகார் அளிக்கப்பட்டுள்ளது.
அத்துடன், ஒரு தனியார் தடயவியல் பாதுகாப்பு நிறுவனமும் இந்த விசாரணையில் பங்கெடுத்துள்ளது.
