நீர்கொழும்பு சிறைச்சாலையில் இடம்பெற்ற கொடூரமான வன்முறை மோதல் சம்பவம் தொடர்பாக, நீதிமன்ற உத்தரவைப் பெற்றுக்கொண்ட பின்னர் கொழும்பு குற்றத்தடுப்புப் பிரிவும் (CCD) குற்றப் புலனாய்வுத் திணைக்களமும் (CID) விசாரணைகளை ஆரம்பித்துள்ளதாகப் பொலிஸார் தெரிவித்துள்ளனர்.
சிறைச்சாலையினுள் இத்தகைய பாரதூரமான வன்முறைகள் வெடிப்பதற்குக் காரணமான பின்னணிச் சூழல்கள் குறித்து ஆராய்வதும், இந்த மோதல்களுக்குப் பொறுப்பான நபர்களைக் கண்டறிந்து அடையாளப்படுத்துவதும் இந்த விசாரணைகளின் முக்கிய நோக்கமாகும் எனத் தெரிவிக்கப்பட்டுள்ளது.
இது தொடர்பான மேலதிக விசாரணைகளைப் பொலிஸார் தொடர்ந்து முன்னெடுத்து வருகின்றனர்.
