பிரதீப் ரங்கநாதன் நடிப்பில் சமீபத்தில் வெளியாகி பிளாக் பஸ்டர் ஹிட்டடித்த திரைப்படம் தான் டியூட். அறிமுக இயக்குனர் கீர்த்திஸ்வரன் இயக்கிய இப்படத்திற்கு சாய் அபயங்கர் இசையமைத்திருந்தார். இளம் சென்சேஷனல் மமிதா பைஜூ இப்படத்தில் நாயகியாக நடித்தார். தீபாவளி பண்டிகையை முன்னிட்டு வெளியான இப்படம் கலவையான மற்றும் கடும் விமர்சனங்களை தான் பெற்றது. ஆனாலும் இளம் ரசிகர்களின் பேராதரவினால் டியூட் திரையில் மிகப்பெரிய வெற்றியை பெற்றது.
நூறு கோடிக்கு மேல் வசூலித்த டியூட் திரைப்படம் நேற்று OTT யில் வெளியானது. ஒரு சில படங்கள் திரையில் வெற்றிபெற்று OTT யில் கடுமையான விமர்சனங்களை பெரும். அதைப்போல திரையில் கவனிக்கப்படாத திரைப்படம் OTT யில் வரவேற்பை பெரும். இந்நிலையில் திரையில் மாபெரும் வெற்றியடைந்த டியூட் திரைப்படம் OTT யில் பெரும்பாலான ரசிகர்கள் மத்தியில் பாசிட்டிவான விமர்சனங்களை தான் பெற்று வருகின்றது.
ஆனாலும் இப்படத்தில் சொல்ல வரும் கருத்துக்கள் OTT ரசிகர்கள் மத்தியிலும் விவாதங்களை ஏற்படுத்தியுள்ளது. திரையில் வெளியான போதே இப்படத்தில் சொல்லப்பட்ட கருத்துக்களை சிலரால் ஏற்றுக்கொள்ள முடியவில்லை, கடுமையான விமர்சனங்கள் எழுந்தது. படமாக டியூட் ஒரு என்டர்டைன்மெண்டான படமாகவே இருந்தது. கலகலவென ஒரு பக்காவான கமர்ஷியல் படத்தை இயக்குனர் கொடுத்திருந்தார். ஆனால் படத்தில் சொல்லப்படும் ஒரு சில விஷயங்கள் ஏற்புடையதாக இல்லை என்றே சொல்லப்பட்டது.
அதைப்போல தான் OTT ரசிகர்களாலும் ஒரு படமாக டியூட் நல்ல விமர்சனங்களை பெற்று வருகின்றது. ஆனால் படத்தில் சொல்லப்படும் விஷயங்கள் சர்ச்சையையும் விவாதத்தையும் ஏற்படுத்தியிருக்கின்றது. திரையிலும் சரி OTT யிலும் சரி கலவையான விமர்சங்களை தான் டியூட் பெற்றுள்ளது. ஆனால் வசூலை பொறுத்தவரை டியூட் மாபெரும் வெற்றிப்படமாக அமைந்துள்ளது. படம் வெளியான ஆறே நாட்களில் நூறு கோடிக்கு மேல் வசூலித்தது டியூட். அதன் பிறகு திரையில் ஒட்டுமொத்தமாக டியூட் திரைப்படம் உலகளவில் 120 கோடி வரை வசூல் செய்ததாக சொல்லப்படுகின்றது.
ரிலீசுக்கு முந்தைய வியாபாரமே அமோகமாக நடைபெற்றதால் டியூட் படத்தின் மூலம் தயாரிப்பு நிறுவனத்திற்கு மிகப்பெரிய லாபம் கிடைத்திருப்பதாக தெரிகின்றது. இதன் காரணமாக பிரதீப் ரங்கநாதனின் மார்க்கெட்டும் மிகப்பெரிய அளவில் உயர்ந்துள்ளது. படத்திற்கு கலவையான விமர்சனங்கள் ஒருபக்கம் வந்தாலும் பிரதீப் ரங்கநாதனின் நடிப்பில் எந்த குறையும் இல்லை. இந்த கால இளைஞர்களை தன் வசப்படுத்திவிட்டார் பிரதீப் ரங்கநாதன்.
அவருக்கு என்று தனி ஒரு ரசிகர்கள் பட்டாளம் உருவாகியுள்ளது. குறிப்பாக 2K ஹிட்ஸை பிரதீப் ரங்கநாதன் பிடித்துவிட்டார். அவர்களால் டியூட் திரைப்படம் கொண்டாடப்பட்டது. அதன் காரணமாகவே வசூலில் இப்படம் சக்கைபோடும் போட்டது. இந்நிலையில் பிரதீப் ரங்கநாதன் ஹீரோவாக நடித்த மூன்று படங்களுமே நூறு கோடி வசூலை பெற்ற நிலையில் அடுத்ததாக அவரது நடிப்பில் LIK என்ற திரைப்படம் ரிலீஸாகவுள்ளது.
