கீர்த்தி சுரேஷ் நடிப்பில் கடைசியாக தமிழ், தெலுங்கு மொழியில் ‘உப்பு கப்புரம்பு’ படம் வெளியானது. இதனையடுத்து அவர் நடித்துள்ள ‘ரிவால்வர் ரீட்டா’ திரையரங்குகளில் ரிலீசாக இருக்கிறது. இந்த வாரம் வெளியாகவுள்ள இப்படத்துக்கான புரமோஷன் பணிகள் மும்முரமாக நடந்து வருகிறது. அந்த வகையில் ‘ரிவால்வர் ரீட்டா’ சம்பந்தமான பேட்டியில் கீர்த்தி சுரேஷ் பேசியுள்ளது ரசிகர்கள் இடையில் கவனம் ஈர்த்து வருகிறது.
தென்னிந்திய திரையுலகில் பிரபலமான நடிகையாக வலம் வருபவர் கீர்த்தி சுரேஷ். இவரது நடிப்பில் தற்போது ‘ரிவால்வர் ரீட்டா’ உருவாகியுள்ளது. இப்படம் விரைவில் ரிலீசாகவுள்ள நிலையில், இதற்கான புரமோஷன் நிகழ்ச்சி துவங்கி நடந்து கொண்டிருக்கிறது. இந்நிலையில் ‘ரிவால்வர் ரீட்டா’ படத்தினை விளம்பரப்படுத்தும் நிகழ்ச்சியில் தனது உடல் எடை ரகசியம் தொடர்பாக நடிகை கீர்த்தி சுரேஷ் பேசியுள்ளது இணையத்தில் வைரலாகி வருகிறது.
‘ரிவால்வர் ரீட்டா’ உருவாகி நீண்ட காலமாக ரிலீஸ் செய்யப்படாமல் இருந்தது. இதனையடுத்து தற்போது ஒரு வழியாக இப்படத்தின் ரிலீஸ் தேதியை படக்குழுவினர் உறுதி செய்துள்ள நிலையில், படத்துக்கான புரமோஷன் பணிகள் துவங்கியது. அப்படி, ‘ரிவால்வர் ரீட்டா’ படம் தொடர்பான நேர்காணல் ஒன்று தனது ஆரோக்கியம் மற்றும் உடல் எடை குறைப்பு பயணம் குறித்து பேசியுள்ளார் கீர்த்தி சுரேஷ்.
அதில், முன்பு நான் உடல் எடை கொஞ்சம் அதிகமாக இருந்த சமயத்தில் அழகாக இருப்பதாக சொல்வர்கள். நிஜமாகவே அப்போது எனது உணவு பழக்கவழக்கங்கள் வித்தியாசமாக இருந்தது. ஒரே நேரத்தில் 10 இட்லிகள், தோசைகள் எல்லாம் சாப்பிட்டு இருக்கிறேன். அதன்பின்னர் உடற்பயிற்சி செய்வதற்கு முடிவு செய்தேன். எனது உணவு பழக்கங்களையும் கட்டுப்படுத்த துவங்கினேன்.
முதலில் கார்டியோ மட்டும் தான் செய்ய துவங்கினேன். தீவிரமாக கார்டியோ செய்தேன். இதன் மூலமாக 12 மாதங்களில் சுமார் பத்து கிலோ வரை எடையை குறைத்தேன். சினிமாவில் நடிப்பதை காட்டிலும், உடல் ஆரோக்கியத்திற்கு தற்போது அதிக முன்னுரிமை கொடுப்பதாக கீர்த்தி சுரேஷ் கூறியுள்ளார். மேலும், யோகா எனக்கு மிகவும் பலனளித்தது. தினமும் ஒன்றரை மணிநேரம் உடற்பயிற்சி செய்து வருகிறேன். தற்போது நான் ஆரோக்கியமாக இருப்பதாக உணர்கிறேன் என தெரிவித்துள்ளார்.
சினிமா குடும்பத்தை சார்ந்த கீர்த்தி சுரேஷ், குழந்தை நட்சத்திரமாக தனது திரையுலக பயணத்தை துவங்கினார். மலையாளத்தில் ஹீரோயினாக நடிக்க ஆரம்பித்த இவர், தமிழில் ‘இது என்ன மாயம்’ என்ற படத்தில் விக்ரம் பிரபு ஜோடியாக நடித்து அறிமுகமானார். இதனையடுத்து முன்னணி நடிகர்கள் பலரின் படங்களில் நடித்து வரவேற்பினை பெற்றார் கீர்த்தி சுரேஷ்.
இந்நிலையில் ‘மகாநதி’ படம் அவரது திரை வாழ்வில் மிகப்பெரிய மைல்கல்லாக அமைந்தது. நடிகையர் திலகம் சாவித்திரியின் வாழ்க்கையை மையமாக உருவான இப்படத்தில் சாவித்திரியாக நடித்திருந்தார் கீர்த்தி சுரேஷ். இதற்காக சிறந்த நடிகைக்கான தேசிய விருதையும் வென்றார். இதனிடையில் தெறி பட ரீமேக்காக அட்லீ தயாரிப்பில் வெளியான ‘பேபி ஜான்’ படத்தின் வாயிலாக இந்தியில் அறிமுகமானார். இப்படம் பெரியளவில் ரசிகர்களை கவராமல் போய் விட்டது.
இதனிடையில் சந்துரு இயக்கத்தில் பேஷன் ஸ்டூடியோஸ் மற்றும் தி ரூட் நிறுவனங்கள் தயாரிப்பில் ‘ரிவால்வர் ரீட்டர்’ படத்தில் நடித்துள்ளார் கீர்த்தி சுரேஷ். ஜான் விஜய், அஜய் கோஷ், ரெடின் கிங்ஸ்லி உள்ளிட்ட பலரும் இணைந்து நடித்துள்ள இப்படம் வரும் 27 ஆம் தேதி வெளியாகவுள்ளது. தமிழ் மற்றும் தெலுங்கு மொழியில் ரிலீசாக இருக்கிறது. மேலும், ‘அக்கா’ என்ற வெப் சீரிஸில் கீர்த்தி சுரேஷ் நடித்துள்ளது குறிப்பிடத்தக்கது.
